منتخبي از اشعار فضولي

[Mardaviz]

منتخبی از اشعار فضولی




بیر نئچه سوز



عزیز اوخویانلار فضولینین ادبی و فلسفی مقامی چوخلار اوچون هله آیدین دگل ،دوغروسو فضولی بوتون تورک ائللری اوچون بویوک بیر شخصیت و داهی بیر فیلسوفدر ،انشاالله گلجکده بویوک و تاریخی اوستادین باره سینده اولدوقجا دانیشیلا.ایندی فضولی نین غزلریندن بیر نئچه نمونه بوردا گتیرمیشم،فقط ای عزیز اوخویانلار بیراز دقت ایله اوخویون تا لذت آپاراسیز،و سونونجی مطلبیم بودور کی اگر سیزلرده بو شعرلره ،باشقا تورک شاعرلردن ،شعر خاطرینیزده وارسا ،اضافه ائدین .ـــــ مرداویز



حیراندر سنه



ای ملک سیما که سندن ئوزگه حیراندر سنه حق بیلیر انسان دئمه ز هر کیم که انساندر سنه



وئرمییه ن جانین سنه بیلمه ز حیات جاویدان زنده و جاویداونا دئرلر که قرباندر سنه



عالمی پروانه شمع جمالین قیلدی عشق جان عالمسن فدا هر لحظه مین جاندرسنه



عاشقه شوقینله جان وئرمک ایکن مشکل دگل چون مسیحی وقتسن جان وئرمک آساندر سنه



چخسا یاریم گئجه لر اغیار طعنیندن ساقین سن مهی اوج ملاحتسن بو نقصاندر سنه



پادشاهیم ظلم ائدیپ عاشق سنه ظالم دئمیش خوبرو لردن یامان گلمه ز بو بهتاندر سنه



ای فضولی خوبرو لردن تغافلدر یامان گر جفا هم گلسه اونلاردان بیر احساندر سنه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

جفا سنه



ای بیوفا که عادت اولوبدر جفا سنه باالله جفادر ـاولما دئمک بیوفا سنه



گهه ونازوگهه کرشمه وشیوه در ایشین جانین سئوونلر اولماسا ای آشینا سنه



مین جان اولایدی کاش منی دل شکسته ده تا هر بیریله بیر گز اولایدیم فداسنه



عشقینده مبتلا لیقیمی عیب ائدن سانیر کیم اولماق اختیار ائله در مبتلا سنه



ای دل که هجره دویمایپ ایستر سن اول مهی شکر ائد بو حاله یوخسا گلربیر بلا سنه



ای گل غمیندن اشگ رخ زردیم ائتدی آل بیلیردی اولا صورت حالیم صبا سنه



دوشمه ز چو شاه قرب فضولی گدالره اول شاهیدن التفات نه نسبت منه،سنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فلکدن انقلاب

روزگاریم بولدی دوران فلکدن انقلاب قان ایچینده ئولدوم ایاق چکدی بزمیمدن شراب



شعله آه یاندیردیم دیلی سر گشتیه بیر اوداولدوم جیزگه نن جورمده اولمازمی کباب



لعلین ایله باده بحث ائتمیش ذهی گمراهلیق اولدی واجب ائیلمک اول بی ادبدن اجتناب



وئرمه زاولدی یول وصاله پیچ زلفون آه کیم رشته تدبیردن دوران کجرو آچدی تاب



اولمادی اول ماهه روشن یاندیقیم هجران گونی یاندیقین شب تا سحر شمعین نه بیلیسین آفتاب



گوزکه پیکانین قاپوب گوگدن ساچار هریان سرشک بیرصدفدر قطره بارانی ائیلر درّ ناب



اولدی ابر دودی آهیم پردۀ رخسار ماه آه کیم آلماز جمالیندن هنوز اول مه نقاب



کسمه دی مندن سر کوینده آزارین قریب ای فضولی جنت ایچره نئجه یوخ دئرلر عذاب

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فدا

جانیمین جوهری اول لعل گوهر باره فدا عمرومون حاصلی اول شیوه رفتاره فدا



دردچکمیش باشیم اول خال سیاه قربانی تاب گورموش تنیم اول طرّۀ طرّاره فدا



گوزلریمدن ساچیلان قطرۀ اشگیم گوهری لبلریندن توکولن لولوی شهواره فدا



چاک سینمدن اولان قانلی جگرپاره لری مست چشمینده اولان قانلی غمزۀ خونخواره فدا



پاره پاره دل مجروحی پریشانیمدن سرکوینده اولان هر ایته بیر پاره فدا



جان و دل قیدینی چکمکدن ئوزوم قورتادیم جانی جانانییه ائتدیم دلی دلداره فدا



ای فضولی نولا گر ساخلارایسم جانی عزیز وقت اولارکیم اولا اول شوخی ستمکاره فدا

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سلطانیدر
اول پریوش کیم ملاحت ملکینین سلطانیدر حکم اونون حکمیدر فرمان اونون فرمانیدر



سوردی مجنون نوبتین ایندی منم رسوای عشق دوغری دئرلر هرزمان بیر عاشقین دورانیدر



لحظه لحظه گونلوم اودوندان شررلردر چخان قطره قطره گوز توکن سانمیش سرشگیم قانیدر



چاکلر جسمیمده تیغ عشقیدن عیب ائتمه یوز کیم جنون گلزارینین بونلار گلی خندانیدر



ای فضولی اولدی کیمرحم ائده یار افغانینا؟ آغلا زار آنجاق کیم زار آغلاماق امکانیدر

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دل زار سنه[/size]

غمدن ئولدوم دئمه دیم حال دلی زار سنه ای گلی تازه روا گورمه دیم آزار سنه



ایچ مئی ناب که باغریندان ائدر جمله کباب آتش عشق ایله عشاق جگرخوار سنه



مئی گلگوندا دگل نرگس مستین عکسی قدح اولموش گوز آچیپ عاشقی دیدار سنه



عارضین گول گول ائدیبدر مئی گلگون تابی وه که بیر گولدن آچیلمیش نئچه گلزار سنه



باغه سیرائدبورخ لعل ایله کیم غنچه وگل گوستره خون دل و دیده خونبار سنه



دئرایدیم قامتینه سرو ولی ئوزگه ایمیش حرکات و روش و شیوه و رفتار سنه



ائیله یب طرف بنا گوشینه درد دیلیمی یا او طاقین دییه یا طرّۀ دستار سنه



من گرفتارینم و فتنه دن اولمان آزاد هیچ کیم اولماسین ای شوخ گرفتار سنه



لعل نابین هوسی باغریمی قان ائیله دیگین آه کیم قانلی یاشیم قیلمادی اظهار سنه



ای فضولی فلگین وار سنینله نظری کیم غم و محنتینی وئردی نه کیم وارسنه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

[size=12] بیلیریم

یارحال دیلیمی یار بیلیبدر بیلیریم دیل زاریمده نه کیم وار بیلیبدر بیلیریم



یاری اغیار بیلیبدر که منه یار اولماز منده دخی اونی که اغیار بیلیبدر بیلیریم



زلفینی اهل وفا صیدینه دام ای لیلی منی اول دامه گرفتار بیلیبدر بیلیریم



من نه حاجت که قیلیم شرح اونا درد دلیمی هامی درد دلیمی یار بیلیبدر بیلیریم



یار هم صحبتیم اولمازسا فضولی نه عجب ئوزونه صحبتیمی عار بیلیبدر بیلیریم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نه ایمیش

ای خوش اول مست که بیلمه زغم عالم نه ایمیش نه چکر عالم اوچون غم نه بیلیر غم نه ایمیش



بیرپر سلسله عشقینه دوشدوم ناگهه شیمدی بیلدیم سبب خلقت آدم نه ایمیش



واعظ اوصاف جهنم دئیر ای اهل وه ره وار اونون مجلسینه بیلکی جهنم نه ایمیش



اوخی کوکسیمدن اوتوب قالمیش ایمیش پیکانین آه بیلدیم سبب آه دمادم نه ایمیش



ای فضولی مزۀ ساقی و صهبا بیلدین توبه قیل تا بیله سن زرق و ریا هم نه ایمیش

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

محرم ایدیم

خوش اول زمان که حریم وصاله محرم ایدیم نه مبتلائی بلا و نه مبتلا غم ایدیم



گذردیم ایتلرین ایچره فضائی گوینده یئریم بهشت برین ایدی من بیر آدام لیدیم



همیشه سجده گهیم خاک آستانه ن ایدی بو اعتبار ایله بیر سربلند عالم ایدیم



گدای کوئین ایدیم بئیله ذلّتیم یوخ ایدی سریر سلطنت قربده معظم ایدیم



زمان زمان اثر پرتوی جمالیندن معالج دل پر درد و چشم پرنم ایدیم



زیاده غمزده یم هجر ایله خوش اول گونلر که من بو غمزده لیکدن زیاده خرم ایدیم



فضولی اولماز ایمیش محنت و فراقه مفید بوذوق ذکر که بیردم یاره همدم ایدیم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نویسنده و گردآورنده:مرداویز